«Արարատի ստվերի ներքո» ցուցահանդեսի բացումն Ասենում հանդիպումների առանցքում

25 ապրիլի, 2022

Մայիսին Դրենթի թանգարանում Drents Museum կայանալիք «Արարատի ստվերի ներքո. Հին Հայաստանի գանձերը» ցուցահանդեսի բացման նախապատրաստական աշխատանքների շրջանակներում ապրիլի 25-ին դեսպան Տիգրան Բալայանը` ասենահայ հայանքի անդամ Նիկոլայ Ռոմաշուկ-Հայրապետյանի ուղեկցությամբ հանդիպումներ ունեցավ Նիդերլանդների հյուսիսային նահանգներում՝ Խրոնինգենում և Դրենթեում։

Խրոնինգենում Թագավորի հանձնակատար Ռենե Պաասի հետ հանդիպմանը ընթացքում մտքեր փոխանակվեցին մարզի կառավարման նիդերլանդական փորձառությունը Հայաստանում ներդնելու հնարավորությունների շուրջ։ Անդրադառնալով Դրենթսի թանգարանում հայկական ցուցահանդեսին զրուցակիցները համակարծիք էին, որ այն լուրջ խթան կհանդիսանա Հայաստանի ճանաչելիությունը և զբոսաշրջային գրավչությունը բարձրացնելու առումով։

Ասենի քաղաքապետ Մարկո Աուտի ու Տիգրան Բալայանը քննարկեց քաղաքապետարանի կողմից ցուցահանդեսի նախապատրաստման աշխատանքներում և քաղաքում դրա հետ կապված միջոցառումների անցկացմանն առնչվող մի շարք հարցեր։

Այնուհետև դեսպան Բալայանը այցելեց Դրենթսի թանգարան, ուր տնօրեն Հարի Թուփանի և թանգարանի ղեկավար աշխատակիցների հետ քննարկումից հետո ծանոթացավ ցուցասրահների կառուցման և բացման հանդիսավոր արարողության աշխատանքներին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր